မြန်မာကား ဆန်သည်
အောက်တန်းကျသူ အဆင့်မရှိသူ ထမင်းကျွေးသော လက်ကို ပြန်ကိုက်သူ သားရေပေါ်အိပ် သားရေနားစား အစရှိသည်တို့ ကို အစားထိုးသုံးရန်ဖြစ်သည်
မင်း တော်တော် မြန်မာကားဆန်တဲ့ကောင်ကွား အဲ့ကောင်နဲ့မပေါင်းနဲ့ အဲ့ဘဲက မြန်မာကား ကွ နင့်လို ကောင်နဲ့ငါ့သမီးနဲ့ ပေးစားမယ့်အစား မြန်မာကားပဲ အမြီးဖြတ်ပေးစားလိုက်မယ် ဘာညာ
အဘထ
ဖွန်ကြောင်သောသူများ ၊ နှာထသောသူများအား မြန်မာဆေး အမှတ်တံဆိပ်ဖြစ်သော အဘထနှာဘူး နှင့် ရည်ညွှန်း ခိုင်းနှိုင်းဖြစ်သည်။
သားကြီး မင်းကို စော်လေးတွေက အဘထတဲ့။
ငံပြာရည်မ
မိန်းမအစစ်များကို မိန်းမလျာ(အခြောက်) များက ခိုင်းနှိုင်းသုံးစွဲသော စကားဖြစ်သည်။
ဟဲ့ ကမတွေ ဟို အစင်လေးက ဟို ငံပြာရည်မနဲ့ပါသွားပြီ။ ငါတို့တော့ ကွဲတာပဲ။ ဟဲ့ ဟို ငံပြာရည်မက မိတ်ကပ်ထူလပျစ်နဲ့ သူ့ကိုယ်သူ လှတယ် ထင်နေလားမသိပါဘူးအေ။
ခြေထောက်မိုးမိ
မဟာဉာဏ်ကြီးရှင် ဇဗ္မူထိပ်တင် မောင်မောင်ဉာဏ်ဆီမှ ဆင်းသက်လာခဲ့သည်။ ခြေထောက်နာသဖြင့် ရုံးမလာနိုင်ခြင်းကို ဆိုလိုသည်။
မနေ့က table tennis ရိုက်ရင်း အပြန်ခြေထောက် မိုးမိလိုက်တာ ကြွက်တက်သွားတယ်။ အဲဒါကြောင့် မနက်က မလာရတာ။
အသိုက်ပျက်
မည်သူမျှ ဒုက္ခမပေးရပါပဲလျက် တစ်ယောက်တည်း ကြိတ်ကာ ပြသနာတက်နေသည် ဗျာများသည် ဒုက္ခအကြီးအကျယ်ရောက်သည်
ယောက်ဖ ဘာတွေ အသိုက်ပျက် လာပြန်ပြီလဲ
ကြေးအိုးပွဲသေး
ကြေးအိုးမှာရာတွင် ပွဲသေးဖြစ်ပါက ဝက်ဦးနှောက် ပါလေ့မရှိချေ။ ထိုကြောင့် ဉာဏ်ပုသော ၊ ဉာဏ်တိမ်သော ၊ ပိန်းသော၊ တနည်းအားဖြင့် ဦးနှောက်မရှိ သော လူပုဂ္ဂိုလ်မျိုးကို ရည်ညွန်း ခြင်းဖြစ်သည်။
ကြေးအိုးပွဲသေး ကြိုက်လို့ကတော့ ခုနေ ကိုယ်တွေ ရည်းစားရနေလောက်ပြီ (တစ်ယောက်တည်း မဟုတ်ဘူး၊ လေး ငါးယောက်လောက် )
အူရောင်ငန်းဖျား
ကြောင်တောင်တောင်ဖြင့် အနှောက်အယှက်ပေးသည်။
ဒီဆိုက်ကယ်တွေ အရှေ့မှာ အူရောင်ငန်းဖျားလာလုပ်ပြန်ပြီ။ တိုက်မိပြီး အကုန်သေကုန်မှဖြင့်။
အထာမကျဘူး
လုပ်သည့်အခါ အဆင်မပြေသည့်အခါမျိုး (သို့) စိတ်တိုင်းမကျသည့်အခါမျိုး (သို့) ကမောက်ကမဖြစ်သည့် အခါမျိုးတွင် သုံးသည်။
သူ့ဘက်က ဒီလိုလုပ်တာတော့ အထာမကျဘူးကွာ။ မင်းလုပ်တာမဟုတ်သေးဘူး အထာမကျဘူး။
