ဦးသာကြီး
ကိုယ့်ဘက်ကိုပဲအမြဲအသာလိုချင်ပြီး တစ်ခြားလူဘက်ကို မကြည့်တဲ့လူကိုဆိုလိုပါတယ်။ တောရွာတွေမှာ အများသုံးဆွဲတဲ့စကားလုံး ဖြစ်ပါတယ်။
ဦးသာကြီးကလည်း သာလွန်းတယ် .. တော်ရုံပဲကောင်းပါတယ်။
အူရိုင်း
မယဉ်သေးသော အရိုင်း။ အငန့်။ အကင်း။ အသစ်။ နယ်ပယ်သစ်ခုတွင် အခုမှ အခြချသောသူ။ အရက်ဝိုင်းတွင် အသုံးများသည်။
၁။ သားကြီး သောက်တာလည်း ကြည့်ကျက်ပြီးသောက် ၊ မင်းက အူရိုင်း၊ ပြီးရင် ဆန်ပြုတ်တွေဝေမယ်။ ၂။ အူရိုင်းလေးဆိုပြီး အကဲသွားသွား မစမ်းစမ်းပါနဲ့ကွာ။
နိုင်ငံတော်ကား
ကင်မရာကောင်းကောင်းဖြင့် ရိုက်ကူး၍ ဆိုရှယ်မီဒီယာပေါ်တွင် လွှင့်တင်သာ ချစ်သူစုံတွဲပုံ (သို့) သူတို့၏အချစ်ကို ဖော်ကျူးသောပုံ။
အာဏာရှင်စနစ်ကျင့်သုံးမှာ သေချာမှ နိုင်ငံတော်ကား ရိုက်နော်။ နိုင်ငံတော်ကားပေါက်ပြီးမှ နောက်တစ်ယောက်ပြောင်းချင်ရင် နားကားနေမယ်။
စမောလေး
အငယ်အနှောင်း၊ အငယ်လေး။ အသက်အရွယ်ကြီးရင့်သောသူများ ကိုယ့်ထက် အသက်ငယ်သောသူများနှင့် တွဲကြသောအခါ အသုံးပြုသည်။ အင်္ဂလိပ် စကားလုံး small မှ ဆင်းသက်လာခြင်းဖြစ်သည်။
ဟို ဘိုးတော်က အာရကေ ဘယ်လောက်ထောလဲတော့ မသိဘူး၊ အမြဲတမ်း စမောလေးတွေ တစ်သိုက်နဲ့။
နွယ်
အတင်းရောသည်။ ပူးကပ်သည်။ နွယ်ပင်၏ ရစ်ပတ်သော သဘောသဘာဝကို အခြေခံပြီး ထွက်ပေါ်လာခြင်းဖြစ်သည်။
သားကြီး .. မင်းသွားနွယ်နေတာ ဇယားတွေ။
ရေမီးအစုံ
၁။ အားလုံး အပြည့်အစုံ။ လိုလေးသေး မရှိ။
သားကြီး .. ဒီမှာ မင်းကြိုက်တာတွေကြီး .. ရေမီးအစုံ လေထီးခုန်ယုံပဲ။
မြန်မာကား ဆန်သည်
အောက်တန်းကျသူ အဆင့်မရှိသူ ထမင်းကျွေးသော လက်ကို ပြန်ကိုက်သူ သားရေပေါ်အိပ် သားရေနားစား အစရှိသည်တို့ ကို အစားထိုးသုံးရန်ဖြစ်သည်
မင်း တော်တော် မြန်မာကားဆန်တဲ့ကောင်ကွား အဲ့ကောင်နဲ့မပေါင်းနဲ့ အဲ့ဘဲက မြန်မာကား ကွ နင့်လို ကောင်နဲ့ငါ့သမီးနဲ့ ပေးစားမယ့်အစား မြန်မာကားပဲ အမြီးဖြတ်ပေးစားလိုက်မယ် ဘာညာ
အဘထ
ဖွန်ကြောင်သောသူများ ၊ နှာထသောသူများအား မြန်မာဆေး အမှတ်တံဆိပ်ဖြစ်သော အဘထနှာဘူး နှင့် ရည်ညွှန်း ခိုင်းနှိုင်းဖြစ်သည်။
သားကြီး မင်းကို စော်လေးတွေက အဘထတဲ့။
