ချီးနယ်
ဘာမှမလုပ်ဘဲ ဖင်ကုပ်ခေါင်းကုပ်နေခြင်း။ တစ်ခုခုကို လုပ်နေခြင်းမဟုတ်ဘဲ အချိန်ဆွဲနေခြင်း။
မနက်အိပ်ရာထတော့ ၁၀ နာရီထိုးနေပြီ။ ပြီးရင် ချီးနယ်နေတာနဲ့ ၂ နာရီလောက်မှ အပြင်ထွက်ဖြစ်ရော။
တောင်းကြွက်ကိုက်
(မြည်သံစွဲ အလင်္ကာ) ပကျိပကျိ အီသည်၊ ကျူသည်။ မပွင့်တပွင့်ပြောသည်။
ဟိုကောင်တော့ စကီဆီက ဖုန်းလာလို့ တောင်းကြွက်ကိုက်နေပြန်ပြီ။
ဘဲဝါ
ဘုန်းကြီး (မင်းမင်းလတ်၏ လမ်းပေါ်မှ ဝေါဟာရများ စာအုပ်မှ၊ ၁၉၇၀ ခုနှစ်များတွင် သုံးခဲ့သည်)
မြန်မာနိုင်ငံမှာ ဘဲဝါ (၅) သိန်းကျော်ရှိတယ်။
အာကရံ ပါကရံ
အသေးအမွှား တန်ဖိုးမရှိ အရာမဝင် အရေးမပါ၊ အရေးမထားလောက်အသော အရာဟု ဆိုလိုသည်။ (အာဂရန် ပါဂရန်ဟု အသံထွက်ပါသည်)
ဒီကောင်က အာဂရံ ပါကရံပါကွာ။ စာရင်းထဲမထည့်စမ်းပါနဲ့။
ပါဝါရိမ်းဂျား
အန္တရယ်ကို မမြင် ထည့်မတွက်ဘဲ နဲ့ဇွတ်လုပ်တဲ့လူ မိုက်ရူးရဲဆန်သောသူ
အဲ့ကောင်ပေါ့ ဟိုဘက်ရက်ကွက်ထဲ ထိသွားပြီး ပါဝါရိမ်းဂျားသွားလုပ်တာ ဝိုင်းကျွေးလိုက်ကြတာ မသာ မပေါ်တာတောင်ကံကောင်း
အာပေတူး
အပေအတေ၊ အခြေအနေမရှိသူ၊ ဖြစ်သလိုနေထိုင်သူ။
မင်းကလပ်မှာတွေ့တဲ့စော်ကြီး က အာပေတူးပါကွာ။ ရွဲနေပြီ။
စိန်ချဲ့
ကိစ္စသေးသေးလေး ကို အကြီးအကျယ် စိန်စီ၍ချဲ့သည်။ ပြဿနာ (သို့) ကိစ္စတစ်ခုခုကို မပြီးနိုင်မစီးနိုင် စိမ်ပြေနပြေ ချဲ့ကားသည်။ မိမိမှာရှိသည့်ပစ္စည်းထက် မြောက်များစွာ ချဲ့ကား၍ ပြောသည်။
အဲ့ကောင်နဲ့ သွားမရှုပ်နဲ့သူက စိန်ချဲ့ရယ်။ ငယ်တဲ့ကိစ္စ ကြီးပြီး ကြီးတဲ့ကိစ္စ ကုလသမဂ္ဂရောက်သွားမယ်။
အိယောင်ဝါး
အလုပ်တစ်ခုကို ပြီးမြောက်အောင်မလုပ်ပဲ ဟိုဟာလုပ်မလို ဒီဟာလုပ်မလိုဖြင့် ဟိုယောင်ဒီယောင် လုပ်နေသောသူ။
မင်းကွာ ဒါလေးခိုင်းတာကို အိယောင်ဝါးလုပ်နေတယ်။
စိတ်အဲ
စိတ်ရှုပ်သည် စိတ်လေသည်မှဆင်းသက်သည် air= အဲ
ဒီနေ့ စာမွဲ မေးခွန်းတွေ က စွန်းခက်တယ် စိတ်ကို အဲသွားတာပဲ
