ရွာပတ်
လွယ်လွင့်တကူပြီးပြတ်ရမည့်ကိစ္စ မပြီးပြတ်နိုင်သည့် အခါမျိုးတွင်သုံးသည်။ တိုင်ပတ်သည်နှင့် ဆင်တူသည်။
လိုင်စင်လေး သက်တမ်းတိုးပါတယ်၊ ဟိုဟာလိုက်ယူရ ဒီဟာလိုက်တောင်းရနဲ့ ရွာပတ်တာပဲ။
8 years ago
ရွှီရှောင်
လုပ်ငန်းအဆင်ပြေစေရန် စာရွက်စာတမ်း အတုလုပ်ခြင်း၊ ပြင်ဆင်ခြင်း၊ အာရကီးပေးခြင်း၊ ပစ္စည်းအတုလုပ်ခြင်း စသော ကိုယ်နည်းကိုယ့်ဟန်ဖြင့် ကျော်ခြင်း၊ ခွခြင်းကိစ္စရပ်များတွင်သုံးသည်။ကားဝယ်ရောင်း များ စတင် အသုံးပြုသောစကားဟု ယူဆရသည်။
ဒီလောက်ကတော့ နဲနဲပါးပါး ရွှီရှောင် လုပ်လိုက်ရင် အိုခေမှာပါ။
8 years ago
ရောင့်တက်
အလိုက်ကမ်းဆိုးမသိ ဆိုးသွမ်းသည်။အထူးသဖြင့် အလိုလိုက်ထားသော အမေများနဲ့ ခပ်ဆိုးဆိုးကလေးငယ်များရဲ့ ဆက်ဆံရေးတွင် မကြာခဏတွေ့ရသည်။
နင် ငါ့လာပြီး ရောင့်တက်မနေနဲ့။ အိမ်မှာ အဲအရုပ်တွေ အများကြီးပဲကို။ မ၀ယ်ပေးနိုင်ဘူး။
8 years ago
8 years ago
ရွှိုင်း...
သူများကသိချင်မှ သိမယ်..ကိုယ်ပြောတဲ့ အတိုင်းကအတည်ပဲ... ဖုန်းရွှိုင်း လိုက်မယ်ဆို ဖုန်း ဆက်တာလို.လို ဖုန်း၀ယ်တာလိုလို ပျက်နေတာလိုလိုပေါ့ဗျာ...
ညနေခင်း ဘကုန်း သွားရွှိုင်းမာနော်...ဖုန်းရွှိုင်းလိုက်မယ်.ok (ဘကုန်း=ဘီယာ) ဖုန်းရွှိုင်း=ဖုန်းဆက်..
8 years ago
8 years ago
ရေမြွေ
ကြောက်စရာကောင်းသော်လည်း ကိုယ့်အတွက် အန္တရာယ်မရှိသည့် အခြေအနေ ကိုဖော်ပြရာ၌ အသုံးပြုသည်။
အဲ့ဘဲကြီးက fighter ကြီးဆိုပေမယ့် သဘောကောင်းတယ်... မင်းပေါင်းတတ်တယ် ဆိုရင်တော့ ရေမြွေပဲ။
8 years ago
8 years ago
ရေကြီးနေတယ်
အခက်အခဲများစွာ ဖြစ်နေခြင်းကို ဆိုလိုသည်။
သူများတွေလုပ်သွားတာ အားလုံးအေးဆေးပါပဲကွာ... ဒီကောင့်အလှည့်ကျမှ တစ်ယောက်ထဲ ရေကြီးနေတယ်။
8 years ago
8 years ago
