တုန်ချွမ်
အဆင်ပြေသလို၊ အမြန် စီစဉ်ဆောင်ရွက်သည်။ ပြီးပြီးရော လုပ်သည်။
မင်းတို့ကောင်တွေကလည်းကွာ.. သေချာလေး အလုပ်လုပ်စမ်းပါဦး။ တစ်ခါလာလည်း တုန်ချွမ်တွေချည်းပဲ။
ဂျေးကပ်
အင်္ဂလိပ်စကားလုံး jail မှ ဆင်းသက်လာသည်။ ထောင်ကျသည်။ အကျဉ်းကျသည်။
မင်း မဟုတ်တာတွေပဲ လုပ်နေ၊ ဂျေးကပ်ဖို့ တဖြည်းဖြည်း နီးလာပြီ။
ဘောစိ
သူဌေး ။ ပိုက်ဆံသုံးနိုင်သူ ။ ရေလျှံ သူ
အေးဆေး စားရိတ်ငြိမ်းပဲ .. ဘောစိ တစ်ယောက်လုံးပါတယ် သူဒကာခံလိမ့်မယ်
ဥ
ဘယ်မှ မသွားမလာပဲ လက်ရှိရောက်ရှိနေသော နေရာတွင် အချိန်အကြာကြီးနေသည်။
နေပူလို့ အိမ်ထဲမှာပဲ ဥနေတာကြာပြီကွ
သံပုရာသီးလေး လိမ့်လာတယ်
အချဉ်၊ အူတူတူ အတတ၊ မနူးမနပ်များ ခွင်ထဲဝင်လာသည့်အခါ သုံးနှုန်းသည်။
၁။ ယောက်ဖ ဟိုမှာသံပုရာသီးလေးလိမ့်လာတယ် ခေါ်စားရအောင် ၂။ ပြောရင်တော့ဆရာကြီး လိမ့်လာတာ သံပုရာသီးလေး။
ရွှီရှောင်
လုပ်ငန်းအဆင်ပြေစေရန် စာရွက်စာတမ်း အတုလုပ်ခြင်း၊ ပြင်ဆင်ခြင်း၊ အာရကီးပေးခြင်း၊ ပစ္စည်းအတုလုပ်ခြင်း စသော ကိုယ်နည်းကိုယ့်ဟန်ဖြင့် ကျော်ခြင်း၊ ခွခြင်းကိစ္စရပ်များတွင်သုံးသည်။ကားဝယ်ရောင်း များ စတင် အသုံးပြုသောစကားဟု ယူဆရသည်။
ဒီလောက်ကတော့ နဲနဲပါးပါး ရွှီရှောင် လုပ်လိုက်ရင် အိုခေမှာပါ။
ဖီးလ်ငုပ်
အင်္ဂလိပ်စကား Feel ကိုယူထားပြီး မနှစ်မြို့ဖွယ် အနေအထားနှင့် အပြုအမူ များတွင် သုံးသည်။
ဒီနေ့တက်ရတဲ့ အတန်းက ရေရေလည်လည် ဖီးလ်ငုပ်တယ်ကွာ
ဝဲစွဲ
အခြေအနေဆိုးဆိုး၊ အဆင်မပြေ အနေအထား ဖြစ်ကြောင်းဖော်ပြရာတွင်သုံးသည်။
သားကြီး ဆိုင်ကယ်ဖြည်းဖြည်းမောင်းဟ....နှစ်ယောက်လုံး ဝဲစွဲ ကုန်မယ်
ကုတို့ဆိပ်မှာ မှို့အိပ်ဖွင့်
လူမသိစေချင်သည့် အကြောင်းအရာကို တစ်ပါးသူက လူအများရှေ့တွင်ပြောသူ…(ကုတို့ဆိပ်တွင် လေပြင်းတိုက်၍ မှို့အိပ်ဖွင့်လိုက်သောအခါ လေနှင့်အတူ ပြန့်နှံ့သွားခြင်း)
လူမသိစေချင်ပါဘူးဆို…အခုတော့ ကောင်းလား…ကုတို့ဆိပ်မှာ မို့အိပ်ဖွင့်သလိုဘဲ အားလုံးသိကုန်ပြီ…………
